Sura Qof

بِسْمِ ٱللَّهِ ٱلرَّحْمَٰنِ ٱلرَّحِيمِ

1. 1

   قٓ ۚ وَٱلْقُرْءَانِ ٱلْمَجِيدِ

   Qof. Ulugʻ Qurʼon ila qasam.

2. 2

   بَلْ عَجِبُوٓا۟ أَن جَآءَهُم مُّنذِرٌۭ مِّنْهُمْ فَقَالَ ٱلْكَٰفِرُونَ هَٰذَا شَىْءٌ عَجِيبٌ

   Balki ularga oʻzlaridan ogohlantiruvchi kelganidan ajablandilar va kofirlar: «Bu ajib narsa-ku?! (Mushriklar Muhammad alayhissalomning Paygʻambar boʻlib kelganligidan ajablandilar.)

3. 3

   أَءِذَا مِتْنَا وَكُنَّا تُرَابًۭا ۖ ذَٰلِكَ رَجْعٌۢ بَعِيدٌۭ

   Oʻlib, tuproq boʻlganimizdan keyin ham-a? Bu qaytish (aqldan) uzoq-ku?!» dedilar.

4. 4

   قَدْ عَلِمْنَا مَا تَنقُصُ ٱلْأَرْضُ مِنْهُمْ ۖ وَعِندَنَا كِتَٰبٌ حَفِيظٌۢ

   Haqiqatda Biz ularni yer kamaytirayotganini bildik va Bizning huzurimizda saqlovchi kitob bor. (Oʻlik koʻmilgandan keyin asta- sekin chirib, kamayib tuproqqa qoʻshila boradi.)

5. 5

   بَلْ كَذَّبُوا۟ بِٱلْحَقِّ لَمَّا جَآءَهُمْ فَهُمْ فِىٓ أَمْرٍۢ مَّرِيجٍ

   Balki ularga haq kelganda, uni yolgʻonga chiqardilar. Ular iztirobli ishdadirlar. (Ular haqni inkor qilganlar. Buni oldida boshqa narsalarni inkor qilish hach gap emas.)

6. 6

   أَفَلَمْ يَنظُرُوٓا۟ إِلَى ٱلسَّمَآءِ فَوْقَهُمْ كَيْفَ بَنَيْنَٰهَا وَزَيَّنَّٰهَا وَمَا لَهَا مِن فُرُوجٍۢ

   Ustilaridagi osmonga nazar solmaydilarmi? Uni qanday bino qilibmiz, ziynatlabmiz va uning teshiklari ham yoʻq?!

7. 7

   وَٱلْأَرْضَ مَدَدْنَٰهَا وَأَلْقَيْنَا فِيهَا رَوَٰسِىَ وَأَنۢبَتْنَا فِيهَا مِن كُلِّ زَوْجٍۭ بَهِيجٍۢ

   Va yerni choʻzib qoʻydik, unga togʻlarni tashladik va unda turli goʻzal juftlarni oʻstirdik.

8. 8

   تَبْصِرَةًۭ وَذِكْرَىٰ لِكُلِّ عَبْدٍۢ مُّنِيبٍۢ

   (Robbisiga) qaytuvchi har bir bandaga koʻrgazma va eslatma qilib.

9. 9

   وَنَزَّلْنَا مِنَ ٱلسَّمَآءِ مَآءًۭ مُّبَٰرَكًۭا فَأَنۢبَتْنَا بِهِۦ جَنَّٰتٍۢ وَحَبَّ ٱلْحَصِيدِ

   Va osmondan baraka suvini tushirdik, hamda u bilan bogʻ-rogʻlarni va don hosilini oʻstirdik.

10. 10

    وَٱلنَّخْلَ بَاسِقَٰتٍۢ لَّهَا طَلْعٌۭ نَّضِيدٌۭ

    Va zich mevali shingillari bor xurmolarni ham.

11. 11

    رِّزْقًۭا لِّلْعِبَادِ ۖ وَأَحْيَيْنَا بِهِۦ بَلْدَةًۭ مَّيْتًۭا ۚ كَذَٰلِكَ ٱلْخُرُوجُ

    Bandalarga rizq qilib. Va u (yomgʻir) bilan oʻlgan shaharni tiriltirdik. (Qabrdan) chiqish ham shunday boʻladir. (Oʻsimliklari qurib, xuddi oʻlik holiga kelib qolgan shaharlarni yomgʻir ila oʻstirib-tiriltirishni eslatish orqali inson xuddi shu tarzda qayta tirilishi oson ekanligini taʼkidlamoqda.)

12. 12

    كَذَّبَتْ قَبْلَهُمْ قَوْمُ نُوحٍۢ وَأَصْحَٰبُ ٱلرَّسِّ وَثَمُودُ

    Ulardan avval Nuh qavmi, quduq sohiblari va Samud yolgʻonga chiqarganlar.

13. 13

    وَعَادٌۭ وَفِرْعَوْنُ وَإِخْوَٰنُ لُوطٍۢ

    Od, Firʼavn, Lut birodarlari.

14. 14

    وَأَصْحَٰبُ ٱلْأَيْكَةِ وَقَوْمُ تُبَّعٍۢ ۚ كُلٌّۭ كَذَّبَ ٱلرُّسُلَ فَحَقَّ وَعِيدِ

    Va daraxtzor egalari va Tubbaʼ qavmi — barchalari Paygʻambarlarni yolgʻonga chiqarganlar. Bas, (azob) vaʼdam haq boʻldi. (Bu oyati karimada kofirlar faqat Muhammad alayhissalomnigina yolgʻonchiga chiqarishmagani, balki bu qadimiy odati ekanligi eslatilmoqda.)

15. 15

    أَفَعَيِينَا بِٱلْخَلْقِ ٱلْأَوَّلِ ۚ بَلْ هُمْ فِى لَبْسٍۢ مِّنْ خَلْقٍۢ جَدِيدٍۢ

    Avvalgi yaratishga ojiz boʻldikmi? Yoʻq! Ular yangidan yaratilishiga shubhadadirlar.

16. 16

    وَلَقَدْ خَلَقْنَا ٱلْإِنسَٰنَ وَنَعْلَمُ مَا تُوَسْوِسُ بِهِۦ نَفْسُهُۥ ۖ وَنَحْنُ أَقْرَبُ إِلَيْهِ مِنْ حَبْلِ ٱلْوَرِيدِ

    Albatta, insonni Biz yaratganmiz va uning nafsi nimani vasvasa qilishini ham bilamiz. Va Biz unga jon tomiridan ham yaqinmiz.

17. 17

    إِذْ يَتَلَقَّى ٱلْمُتَلَقِّيَانِ عَنِ ٱلْيَمِينِ وَعَنِ ٱلشِّمَالِ قَعِيدٌۭ

    Zotan ikki kutib oluvchi oʻngda va chapda oʻtirgan hollarida kutib olurlar.

18. 18

    مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌۭ

    U biror soʻz aytmas, magar huzurida (farishta) hoziru nozir.

19. 19

    وَجَآءَتْ سَكْرَةُ ٱلْمَوْتِ بِٱلْحَقِّ ۖ ذَٰلِكَ مَا كُنتَ مِنْهُ تَحِيدُ

    Oʻlimning mastligi (talvasasi) haqiqat boʻlib keldi. Sen qochib yurgan narsa shuldir.

20. 20

    وَنُفِخَ فِى ٱلصُّورِ ۚ ذَٰلِكَ يَوْمُ ٱلْوَعِيدِ

    Va sur ham chalindi. Bu qoʻrqitilgan kundir.

21. 21

    وَجَآءَتْ كُلُّ نَفْسٍۢ مَّعَهَا سَآئِقٌۭ وَشَهِيدٌۭ

    Va har bir jon haydaguvchi va guvohlik beruvchi bilan keldi. (Yaʼni, qiyomatda har bir jon bilan uni mahshargohga haydovchi farishta va bu dunyoda qilgan ishlarga guvohlik beruvchi farishta birga keladi. Ehtimol, bu dunyoda unga vakil qilingan ikki farishta shulardir.)

22. 22

    لَّقَدْ كُنتَ فِى غَفْلَةٍۢ مِّنْ هَٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌۭ

    Albatta, sen bundan gʻaflatda eding. Bas, Biz sening pardangni ochdik va bugun koʻzing oʻtkirdir.

23. 23

    وَقَالَ قَرِينُهُۥ هَٰذَا مَا لَدَىَّ عَتِيدٌ

    Va uning «yaqini»: «Mana, bu mendagi tayyor narsa», dedi.

24. 24

    أَلْقِيَا فِى جَهَنَّمَ كُلَّ كَفَّارٍ عَنِيدٍۢ

    Har bir qaysarni, kofirni jahannamga tashlang!

25. 25

    مَّنَّاعٍۢ لِّلْخَيْرِ مُعْتَدٍۢ مُّرِيبٍ

    Yaxshilikni man qiluvchini, tajovuzkorni, shak keltiruvchini!

26. 26

    ٱلَّذِى جَعَلَ مَعَ ٱللَّهِ إِلَٰهًا ءَاخَرَ فَأَلْقِيَاهُ فِى ٱلْعَذَابِ ٱلشَّدِيدِ

    Alloh bilan birga boshqani iloh qilib olganni shiddatli azobga tashlang!

27. 27

    ۞ قَالَ قَرِينُهُۥ رَبَّنَا مَآ أَطْغَيْتُهُۥ وَلَٰكِن كَانَ فِى ضَلَٰلٍۭ بَعِيدٍۢ

    Uning «yaqini»: «Robbimiz, uni men tugʻyonga ketgazganim yoʻq, lekin uning oʻzi uzoq zalolatda boʻldi», der.

28. 28

    قَالَ لَا تَخْتَصِمُوا۟ لَدَىَّ وَقَدْ قَدَّمْتُ إِلَيْكُم بِٱلْوَعِيدِ

    U zot: «Mening huzurimda tortishmanglar, sizlarga azob vaʼdasini taqdim qiluvdim.

29. 29

    مَا يُبَدَّلُ ٱلْقَوْلُ لَدَىَّ وَمَآ أَنَا۠ بِظَلَّٰمٍۢ لِّلْعَبِيدِ

    Mening huzurimda gap oʻzgarmas va Men bandalarga zulm qilguvchi emasman», dedi.

30. 30

    يَوْمَ نَقُولُ لِجَهَنَّمَ هَلِ ٱمْتَلَأْتِ وَتَقُولُ هَلْ مِن مَّزِيدٍۢ

    «Bugun jahannamga toʻldingmi?» desak, u: « yana qoʻshimcha bormi?» der.

31. 31

    وَأُزْلِفَتِ ٱلْجَنَّةُ لِلْمُتَّقِينَ غَيْرَ بَعِيدٍ

    Va jannat taqvodorlarga uzoq boʻlmagan joyga yaqinlashtirildi.

32. 32

    هَٰذَا مَا تُوعَدُونَ لِكُلِّ أَوَّابٍ حَفِيظٍۢ

    Bu sizga vaʼda qilingan narsadir. Har bir sertavbaga va saqlovchiga.

33. 33

    مَّنْ خَشِىَ ٱلرَّحْمَٰنَ بِٱلْغَيْبِ وَجَآءَ بِقَلْبٍۢ مُّنِيبٍ

    Rohmandan gʻoibdan qoʻrqqan va salomat qalb ila kelgan kimsasaga.

34. 34

    ٱدْخُلُوهَا بِسَلَٰمٍۢ ۖ ذَٰلِكَ يَوْمُ ٱلْخُلُودِ

    Unga salomat boʻlgan holda kiringiz. Bu mangulik kunidir» (deyildi).

35. 35

    لَهُم مَّا يَشَآءُونَ فِيهَا وَلَدَيْنَا مَزِيدٌۭ

    U yerda nima xohlasalar, ularnikidir. Va huzurimizda ziyodasi bor. (Imom Ahmad rivoyat qilgan hadisda Paygʻambar alayhissalom: »Agar moʻmin kishi jannatda farzand xohlasa, uning homilasi, tugʻilishi, oʻsishi bir soatda boʻladi», deganlar. «Va huzurimizda ziyodasi bor»— Alloh taoloning jamoliga nazar solish baxtidir, degan rivoyat ham bor.)

36. 36

    وَكَمْ أَهْلَكْنَا قَبْلَهُم مِّن قَرْنٍ هُمْ أَشَدُّ مِنْهُم بَطْشًۭا فَنَقَّبُوا۟ فِى ٱلْبِلَٰدِ هَلْ مِن مَّحِيصٍ

    Ulardan avval, ulardan koʻra kuchliroq asrlarning qanchasini halok qildik. «Qochadigan joy bormi?» deb yurtma-yurt kezib chiqdilar. (Halokatga uchragan oʻsha avvalgi kofirlar avlodlari hozirgilardan koʻra quvvatliroq edilar. Ammo chora topa olmay halok boʻldilar.)

37. 37

    إِنَّ فِى ذَٰلِكَ لَذِكْرَىٰ لِمَن كَانَ لَهُۥ قَلْبٌ أَوْ أَلْقَى ٱلسَّمْعَ وَهُوَ شَهِيدٌۭ

    Albatta, bunda qalbi borlarga va zehn bilan quloq osganlarga eslatma bordir.

38. 38

    وَلَقَدْ خَلَقْنَا ٱلسَّمَٰوَٰتِ وَٱلْأَرْضَ وَمَا بَيْنَهُمَا فِى سِتَّةِ أَيَّامٍۢ وَمَا مَسَّنَا مِن لُّغُوبٍۢ

    Albatta, osmonlaru yerni va ularning orasidagi narsalarni olti kunda yaratdik. Va Bizni charchoq tutmadi. (Allohning huzuridagi kunlar biz oʻrganib qolgan kunlarning aynisi emas. Bizning kunlarimiz dunyo yaratilganidan soʻng, yer kurasini aylanishi holati va vaqtiga muvofiq yaratilgan. Tabiiyki, bu olti kunning masofasi va miqdorini yolgʻiz Alloh taolo biladi.)

39. 39

    فَٱصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ ٱلشَّمْسِ وَقَبْلَ ٱلْغُرُوبِ

    Ularning aytayotganlariga sabr qil va Robbingga quyosh chiqishi va botishidan avval hamdu tasbih ayt.

40. 40

    وَمِنَ ٱلَّيْلِ فَسَبِّحْهُ وَأَدْبَٰرَ ٱلسُّجُودِ

    Kechasida ham Unga tasbih ayt. Va sajdadan keyin ham. (Tasbeh aytishning maʼnosi Allohni poklab yod etishdir. Koʻproq «Subhonallohi» kalimasini aytish bilan boʻladi.)

41. 41

    وَٱسْتَمِعْ يَوْمَ يُنَادِ ٱلْمُنَادِ مِن مَّكَانٍۢ قَرِيبٍۢ

    Nido qiluvchi yaqin joydan nido qilgan kunda, quloq os. («Nido qiluvchi — farishta Isrofil alayhissalomdir.)

42. 42

    يَوْمَ يَسْمَعُونَ ٱلصَّيْحَةَ بِٱلْحَقِّ ۚ ذَٰلِكَ يَوْمُ ٱلْخُرُوجِ

    U kunda qichqiriqni haq ila eshiturlar. Ana oʻsha chiqish kunidir. («Chiqish kuni»— qabrlardan chiqish kuni, yaʼni, qiyomat kunidir.)

43. 43

    إِنَّا نَحْنُ نُحْىِۦ وَنُمِيتُ وَإِلَيْنَا ٱلْمَصِيرُ

    Albatta, Biz tiriltiramiz, oʻldirurmiz. Va qaytish ham Bizgadir.

44. 44

    يَوْمَ تَشَقَّقُ ٱلْأَرْضُ عَنْهُمْ سِرَاعًۭا ۚ ذَٰلِكَ حَشْرٌ عَلَيْنَا يَسِيرٌۭ

    U kunda ustlaridagi yer yorilib, shoshib chiqurlar. Ana oʻsha Biz uchun oson toʻplashdir.

45. 45

    نَّحْنُ أَعْلَمُ بِمَا يَقُولُونَ ۖ وَمَآ أَنتَ عَلَيْهِم بِجَبَّارٍۢ ۖ فَذَكِّرْ بِٱلْقُرْءَانِ مَن يَخَافُ وَعِيدِ

    Ularning aytganlarini Biz biluvchimiz. Sen ularning ustidagi jabbor emassan. Bas, Qurʼon ila azob vaʼdamdan qoʻrqqanlarni ogohlantir.

Arabcha: Tanzil Usmoniy matni. Tarjima va audio bepul Al Quran Cloud / Islamic Network xizmatlari orqali. Tafsir ochiq Tafsir API orqali.